D‘ Luft steht, koi Windle, nix.

Es isch schwiel un hoiss.

Mar moint grad, mer deht em Wasser steh.

‘s babbt alles an der,

ob Hemd, ob Hos oder Sogge.

Scho ‘ s Schnaufe strengde a,

vom Laafe ganz zu schweige.

Die kloinscht Bewegung dreibt ders Wasser aus de Pore.

am beschde nix schaffe.

Rummliege un koin Finger riere.

Dringe helft a net viel.

Wasser, Bier oder Schorle, ‘s isch grad egal,

des Zeig kommt schneller wieder raus

wieds en de neilersch.

Do helft nix, noch ned emol e Gwitter.

Do isch dann blos oins anarschder:

Du bisch noch nasser von auße – wennd net drinn bisch.

© Martin Bruchmann